Віцэ-прэм'еры Беларусі і Амана правялі сустрэчу па пытаннях абароны

Дыялог Беларусі і Амана стане прыкладам давернага і ўзаемавыгаднага супрацоўніцтва дружалюбных краін. Пра гэта сёння было заяўлена ва ўрадзе: беларускі віцэ-прэм'ер правёў сустрэчу з віцэ-прэм'ерам Амана па пытаннях абароны.

Бакі зверылі пазіцыі пасля насычаных і плённых перамоў лідараў. Адзначана, што Мінск і Маскат адкрываюць новую старонку ўзаемадзеяння. Для далейшага супрацоўніцтва па многіх кірунках створана трывалая база. Падпісаная дарожная карта стане планам сумесных дзеянняў па развіцці кааперацыі ў пэўных сферах.

Зроблены крокі для абмену бізнес-дэлегацыямі і развіцця турызму. Узаемная адмена віз значна спросціць двухбаковыя кантакты. Важны вынік - дамоўленасць аб запуску сумесных інвестпраектаў.