"Выбары адпавядаюць нацыянальнаму выбарчаму заканадаўству". ЦВК Беларусі пра санкцыі ЕС

Беларуская ЦВК адрэагавала на ўвядзенне ЕС новых санкцый.

"Не трэба ўчыняць электаральныя вакханаліі ў суверэнных дзяржавах, - гаворыцца ў паведамленні. - Ацэнка прэзідэнцкіх выбараў у Беларусі была дадзена шматлікімі міжнароднымі арганізацыямі і назіральнікамі. У назіранні ўдзельнічалі 486 назіральнікаў з 52 краін, у тым ліку з 17 краін ЕС. Выбары прызнаныя адпаведнымі нацыянальнаму выбарчаму заканадаўству і Канвенцыі аб стандартах дэмакратычных выбараў, выбарчых правоў і свабод у дзяржавах - удзельніцах СНД. Хацелася б даведацца, пра якія міжнародныя стандарты вядзе размову ЕС? Калі гэта стандарты, якія прымяняліся на выбарах у Румыніі, то мы пад такімі стандартамі не падпісваліся", - адзначылі ў Цэнтрвыбаркаме.