VI з'езд РГА "Белая Русь" адбудзецца 12 ліпеня

Наша краіна моцная сваім грамадствам, людзьмі, якія гатовыя браць на сябе адказнасць і прысвячаць свой час дасягненню агульнага дабрабыту. 28 мая ў сталіцы адбыўся Рэспубліканскі савет грамадскага аб'яднання "Белая Русь". Падведзены папярэднія вынікі праробленай працы і сфарміраваны планы на перспектыву. У іх уваходзіць і VI з'езд аб'яднання, які адбудзецца 12 ліпеня.

За гады сваёй актыўнай дзейнасці і выразнай грамадзянскай пазіцыі структура сфарміравала станоўчы імідж і заслужыла шырокі грамадскі давер.

Развіццё патрыятызму, кансалідацыя грамадства і раскрыццё чалавечага патэнцыялу - толькі частка спектру задач, якія сёння ставіць перад сабою аб'яднанне "Белая Русь".

VI з'езд грамадскага аб'яднання "Белая Русь" плануецца правесці ў Мінску на базе Нацыянальнага акадэмічнага тэатра імя Янкі Купалы.