Экспарт, інвестыцыі, націнтарэсы. Лукашэнка правёў нараду з кіраўнікамі дыппрадстаўніцтваў

У сістэме Міністэрства замежных спраў павінны працаваць выключна людзі, адданыя сваёй краіне. А вынікі ў гандлі і прыцягненне інвестыцый - ключавыя задачы для паслоў. Аб гэтым Прэзідэнт Беларусі заявіў 31 ліпеня падчас нарады з дыпламатычным корпусам.

Прынцыпы ў знешняй палітыцы ўсё тыя ж. Мы гатовы супрацоўнічаць з усімі, хто паважае нашы нацыянальныя інтарэсы і не ўмешваецца ва ўнутраныя справы краіны.

Прэзідэнт арыентуе дыпламатаў працаваць так, нібыта няма ніякіх санкцый! Патрабаванні будуць толькі павялічвацца ў дачыненні кіраўнікоў дыпмісій. Кіраўнік дзяржавы вельмі падрабязна выказаўся пра геаграфію супрацоўніцтва. Пачынаючы ад партнёрства з найбліжэйшым саюзнікам, Расіяй, а таксама пра нашу работу на далёкай дузе: у Афрыцы, Азіі і на Усходзе.

Чакае Аляксандр Лукашэнка істотных вынікаў у інтэграцыйных структурах: ЕАЭС, БРІКС, ШАС. Кожны крок павінен прыносіць Беларусі адчувальную выгаду! Прэзідэнт таксама пракаменціраваў самыя вострыя і актуальныя тэмы: перамовы з амерыканцамі, спекуляцыі на тэму нашай шматвектарнасці і супрацоўніцтва з Расіяй (гл. у відэа).