Хакейная каманда Прэзідэнта Беларусі абгуляла хакеістаў Гродзенскай вобласці

Калі на коне больш чым проста перамога: у Рэспубліканскай хакейнай лізе 31 студзеня здарылася прынцыповае супрацьстаянне. Каманда Прэзідэнта Беларусі прымала хакеістаў-аматараў з Гродзенскага рэгіёна.

У турнірнай табліцы дружыны падзяляў усяго 1 бал. Госці былі поўныя рашучасці нівеляваць сваё адставанне. Гродзенская каманда сваю задачу пачала выконваць ужо на старце першага перыяду і павяла ў ліку, закінуўшы дзве неўзаемныя шайбы.

Аднак замацаваць гэту перавагу гасцям не ўдалося,  на першы перапынак гаспадары сыходзілі з  лікам 5:2. Другая 20-хвілінка атрымалася роўнай, а ў трэцяй ізноў упэўнена на лёдзе дзейнічала каманда Прэзідэнта (10:5 - перамога дзеючых чэмпіёнаў турніру).

Адну з шайбаў у заключнай траціне матча ў вароты саперніка адправіў Аляксандр Лукашэнка (больш падрабязна ў відэа).