Лукашэнка і Пуцін падкрэслілі, што Беларусь і Расію ніхто не заменіць адну для другой

Прэзідэнты Беларусі і Расіі Аляксандр Лукашэнка і Уладзімір Пуцін падчас сустрэчы у Пекіне заявілі, што Беларусь і Расію адну для другой ніхто не заменіць, паведаміла БЕЛТА.

"Вы ж разумееце, што Расію нам ніхто не заменіць. Таму вельмі важна, што мы сёння сустракаемся", - сказаў кіраўнік беларускай дзяржавы.

У сваю чаргу Уладзімір Пуцін заявіў: "І Беларусь ніхто не зможа замяніць для Расіі. У нас вельмі блізкія адносіны".

Ён таксама адзначыў, што і ў асабістым плане адносіны паміж лідарамі краін добрыя, але важна тое, што вынік сумеснай працы бачны з пункта погляду эканамічнага росту і развіцця супрацоўніцтва. Ёсць шмат кірункаў у сферы кааперацыі, перш за ўсё ў прамысловасці.