Лукашэнка павіншаваў ірландскі народ з Днём святога Патрыка

Прэзідэнт Беларусі Аляксандр Лукашэнка накіраваў афіцыйнае віншаванне народу Ірландыі з нагоды нацыянальнага свята - Дня святога Патрыка, перадае БЕЛТА са спасылкай на прэс-службу беларускага лідара.

"Гэты дзень з'яўляецца ўвасабленнем багатай гісторыі Ірландыі і сімвалам яркай ірландскай культуры, якая знаходзіць водгук у сэрцах мільёнаў людзей па ўсім свеце", - адзначыў кіраўнік дзяржавы.

"Нягледзячы на геаграфічную аддаленасць і палітычныя складанасці, нашы краіны аб'ядноўваюць агульныя духоўныя каштоўнасці: міралюбнасць, шанаванне традыцый, імкненне да дабрабыту і стабільнага жыцця. Упэўнены, што ўзаемная павага і ўласцівая нашым нацыянальным характарам добразычлівасць дапамогуць нам у хуткім часе аднавіць міждзяржаўнае супрацоўніцтва", - гаворыцца ў віншаванні.

Аляксандр Лукашэнка пажадаў народу Ірландыі адзінства, міру і росквіту.