Лукашэнка павіншаваў заслужанага майстра спорту Беларусі Наталлю Цылінскую з юбілеем

Прэзідэнт Беларусі Аляксандр Лукашэнка павіншаваў старшыню Беларускай федэрацыі веласіпеднага спорту заслужанага майстра спорту Беларусі Наталлю Цылінскую з юбілеем. Пра гэта паведамляе БЕЛТА са спасылкай на прэс-службу беларускага лідара.

"Яркі талент, працавітасць і нясхільны характар дазволілі Вам стаць самай тытулаванай чэмпіёнкай у беларускім веласіпедным спорце, а пасля завяршэння бліскучай кар'еры - паспяховым трэнерам і кіраўніком", - гаворыцца ў віншаванні.

Аляксандр Лукашэнка перакананы, што Наталля Цылінская і далей будзе гэтак жа шчыра і добрасумленна служыць роднай Беларусі і рабіць усё магчымае для прымнажэння пераможных традыцый айчыннага веласпорту.

Кіраўнік дзяржавы пажадаў спартсменцы і яе сям'і моцнага здароўя, шчасця і дабрабыту: "Няхай кожны дзень прыносіць толькі радасць, а блізкія людзі дораць разуменне і падтрымку".