Лукашэнка плануе наведаць з Пуціным Форум рэгіёнаў у Ніжнім Ноўгарадзе

Прэзідэнт Беларусі Аляксандр Лукашэнка заявіў аб планах разам з расійскім калегам Уладзімірам Пуціным наведаць Форум рэгіёнаў Беларусі і Расіі, які пройдзе сёлета ў Ніжнім Ноўгарадзе. Адпаведную заяву ён зрабіў, выступаючы ў Савеце Федэрацыі.

"Мы дамовіліся з Прэзідэнтам Расіі, што мы абавязкова асабіста прыедзем на гэты форум", - сказаў кіраўнік дзяржавы.

Аляксандр Лукашэнка ўпэўнены, што пад кіраўніцтвам спікераў верхніх палат парламентаў Наталлі Качанавай і Валянціны Мацвіенка сёлетні Форум рэгіёнаў Беларусі і Расіі збярэ вялікую колькасць удзельнікаў і гасцей.