Прэзідэнт Беларусі павіншаваў Маджтабу Хасейні Хаменеі з выбраннем Вярхоўным лідарам Ірана

Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў Маджтабу Хасейні Хаменеі з выбраннем на найвышэйшую пасаду краіны - Вярхоўнага лідара і кіраўніка Ісламскай Рэспублікі Іран, піша БЕЛТА са спасылкай на прэс-службу беларускага лідара.

"Іран па праву займае асаблівае месца ў гісторыі і цывілізацыйнай спадчыне чалавецтва. Вернасць іранскага народа традыцыям, стойкасць перад любымі выпрабаваннямі і імкненне да самастойнага развіцця выклікаюць шчырую павагу і прызнанне. Вы ўзначалілі краіну ў выключна складаны момант. Нягледзячы на гэта, упэўнены, што пад Вашым кіраўніцтвам Іран прадоўжыць ісці шляхам адстойвання незалежнасці, забеспячэння стабільнага росту, захавання духоўнай спадчыны і ўмацавання сваёй ролі на міжнароднай арэне. Гэта стане найлепшай данінай памяці Вашым бацькам, родным і блізкім, а таксама ўсім іранцам, якія цяпер аддаюць жыцці дзеля абароны Айчыны", - гаворыцца ў віншаванні.

"Нашы краіны на працягу доўгага часу падтрымліваюць трывалыя дружалюбныя сувязі, заснаваныя на ўзаемнай павазе і даверы. Высока цэнім адносіны партнёрства з Тэгеранам і надаём вялікае значэнне далейшаму пашырэнню кантактаў на ўсіх узроўнях", - адзначыў Прэзідэнт.

Аляксандр Лукашэнка пажадаў Маджтабе Хасейні Хаменеі здароўя, мудрасці і поспехаў у яго місіі, а народу Ірана - міру, мужнасці і адзінства.