Прэзідэнт Беларусі працягвае рабочую паездку па Гомельскай вобласці

Вялікая паездка Прэзідэнта Беларусі Аляксандра Лукашэнкі па Гомельскай вобласці працягваецца - на гэты раз кіраўнік дзяржавы працуе ў Петрыкаўскім раёне, паведамляе БЕЛТА.

У планах у Прэзідэнта - наведванне Петрыкаўскай цэнтральнай раённай бальніцы і падраздзялення дашкольнай адукацыі "Яслі-сад № 2 упраўлення сацыяльнага развіцця і жыллёва-камунальнай гаспадаркі ААТ "Беларуськалій".

Такім чынам, у цэнтры ўвагі другога дня вялікай камандзіроўкі кіраўніка дзяржавы - развіццё сацыяльнай інфраструктуры і стварэнне ўмоў для жыцця людзей. Комплекс мерапрыемстваў у гэтым напрамку рэалізаваны дзякуючы некалькім дзяржаўным праграмам развіцця Прыпяцкага Палесся.

Зараз выконваецца чарговая - да 2030 года. Яе ключавыя аспекты абмеркавалі напярэдадні падчас семінара-нарады з удзелам кіраўніка дзяржавы на "Мазыртэхсэрвісе". Аляксандр Лукашэнка зрабіў акцэнт на важнасці эканамічнага развіцця Палесся, стварэнні ў рэгіёне новых вытворчасцяў, рэалізацыі эфектыўных праектаў.