У Мінску з 6 ліпеня па 30 жніўня закрыецца праезд ад вуліцы Янкі Купалы да плошчы Перамогі

У Мінску амаль на 2 месяцы абмяжуюць рух на ўчастку праспекта Незалежнасці з-за рэканструкцыі моста цераз Свіслач.

З 6 ліпеня па 30 жніўня закрыецца праезд ад вуліцы Янкі Купалы да плошчы Перамогі. Абмежаванні закрануць усе віды транспарту, акрамя грамадскага.

На мосце правядуць дэмантаж пакрыцця, адновяць гідраізаляцыю і ўсталююць маналітную пліту для павышэння яго грузападымальнасці. Работы будуць весціся кругласутачна. ДАІ рэкамендуе выкарыстаць аб'езд па 1-м і 2-м транспартным кальцы і цэнтральных вуліцах горада.