ДПК Беларусі: цяжарная бежанка ў непрытомнасці знойдзена на мяжы з Латвіяй

Цяжарная бежанка ў непрытомнасці знойдзена на мяжы з Латвіяй. Пра гэта паведамляе БЕЛТА са спасылкай на Дзяржпагранкамітэт Беларусі.

Днём 4 мая беларускія пагранічнікі знайшлі іншаземку каля латвійскай пагранічнай агароджы ў Браслаўскім раёне. Дзяўчына афрыканскага выгляду ляжала на зямлі ў непрытомнасці. На твары ў яе была гематома. Дакументаў і мабільнага тэлефона пры сабе не было. Вайскоўцы аказалі дзяўчыне першую дапамогу і выклікалі хуткую.

Медыкі даставілі дзяўчыну ў Браслаўскую ЦРБ. Абследаванне паказала ў бежанкі двухбаковую пнеўманію і цяжкі сепсіс. Акрамя таго, бежанка знаходзіцца на 28-м тыдні цяжарнасці.

Іншаземцы аказваецца неабходная дапамога. Яе грамадзянства вызначаецца.

"Міграцыйная палітыка Польшчы, Літвы і Латвіі з 2021 года ў парушэнне нормаў міжнароднага права пакалечыла сотні іншаземцаў, якія накіроўваліся па дапамогу ў Еўрасаюз. Дзеянні сілавікоў сумежных дзяржаў у дачыненні да бежанцаў за гэты перыяд сталі прычынай гібелі 68 чалавек", - адзначылі ў ДПК.