Гараць лясы, ёсць пацярпелыя - пажары ў Ізраілі могуць стаць найбуйнейшымі ў гісторыі краіны

Пажары ў Ізраілі могуць стаць найбуйнейшымі ў гісторыі краіны. Гараць лясы на Іерусалімскіх узгорках. Эвакуіраваны не менш за 10 населеных пунктаў.

У найбліжэйшы час сітуацыя можа пагоршыцца з-за моцнага ветру. Пацярпелі мінімум 23 чалавекі.

Да барацьбы з агнём прыцягнулі авіяцыю і вайскоўцаў, а ўлады запрасілі міжнародную дапамогу.

Што стала прычынай пажараў, невядома. Некаторыя СМІ пішуць, што магчымы падпалы - да гэтага заклікалі звязаныя з ХАМАС крыніцы. Па падазрэнні затрыманы ўжо некалькі чалавек.

У шматлікіх гарадах Ізраіля адменены мерапрыемствы, прысвечаныя Дню незалежнасці.