Каля беларуска-літоўскай мяжы затрымалі парушальніка з аэрастатам

Беларуса з аэрастатам затрымалі пагранічнікі каля беларуска-літоўскай мяжы. Мужчына не толькі парушыў пагранічны рэжым, але і не выключана, што аэрастатычныя шары выкарыстоўвалі для кантрабанды.

Як паведамляе Пагранкамітэт, на месцы затрымання ў гаспадарчых пабудовах выяўлены 50 балонаў з газам, 18 аэрастатычных шароў і 12 GPS-навігатараў. Усе прадметы канфіскаваны. У дачыненні да затрыманага пачаты адміністрацыйны працэс.

Нагадваем, эксплуатацыя беспілотнікаў і выкарыстанне паветранай прасторы Беларусі без належнага дазволу забаронена.