Каля берагоў ААЭ пацярпеў аварыю нафтавы танкер

Каля берагоў Аб'яднаных Арабскіх Эміратаў пацярпеў аварыю нафтавы танкер. Судна не затанула і нават прадоўжыла свой шлях, але значная колькасць нафты трапіла ў ваду.

Для курортаў, размешчаных у наваколлях горада Фуджэйра, гэта мела самыя сумныя наступствы: бераг тут пакрыты чорнай маслістай плёнкай, пакідаць гасцініцы адпачывальнікам не дазваляе рэзкі хімічны пах.

Улады спрабуюць па магчымасці хутчэй ліквідаваць наступствы экалагічнага бедства, але пакуль справіцца з разлівам нафты не ўдаецца.