Колькасць ахвяр лясных пажараў на поўдні Каліфорніі павялічылася да 16

Каліфорнія працягвае знаходзіцца ва ўладзе агню. Колькасць ахвяр лясных пажараў на поўдні штата павялічылася да 16. Яшчэ 13 чалавек лічацца прапаўшымі без весткі.

З-за ўзгаранняў і моцнага ветру ў Лос-Анджэлесе ўзніклі агністыя тарнада.

Для ліквідацыі полымя ў ЗША прыляцелі дзясяткі мексіканскіх ратавальнікаў. Накіравала сваіх пажарных і некалькі самалётаў-запраўшчыкаў і Канада. Але прагрэс у тушэнні застаецца нязначным. Разбураны больш як 10 тыс. збудаванняў, у тым ліку асабнякі амерыканскіх зорак. Урон ужо перавысіў 150 млрд долараў.