Прапрацаваў 1,5 тыдня. У Гродне затрымалі буйнога пастаўшчыка псіхатропаў

Буйнога пастаўшчыка псіхатропаў у Гродзенскай вобласці затрымалі супрацоўнікі наркакантролю.

Амаль паўкіло асабліва небяспечнага рэчыва 4-СМС аператыўнікі знайшлі ў машыне аптовага прадаўца. Частка тавара ўжо была расфасована па дозах. На здымнай кватэры затрыманага аказаўся цэлы склад псіхатропу.

Ігар Агейчык, намеснік начальніка УНіПГЛ УУС Гродзенскага аблвыканкама:

"Закладкі абсталяваў не толькі ў Гродне, але і ў іншых рэгіёнах краіны. Санкцыя артыкула прадугледжвае да 20 гадоў пазбаўлення свабоды".

Вядома, што 24-гадовы хлопец прапрацаваў на наркашоп паўтара тыдня.