У Брэсце затрымалі падлетка за распаўсюджванне псіхатропаў

У Брэсце падлетак прыдумаў схему, як зарабляць на наркотыках і пры гэтым не аддаваць выручку працадаўцу.

Каля месяца хлопец працаваў кур'ерам інтэрнэт-наркашопа, распаўсюджваючы "тавар" сярод знаёмых праз сацыяльныя сеткі. Таксама ён залучаў у злачынную дзейнасць сваіх таварышаў, даючы наймальніку іх пашпартныя даныя для атрымання чарговых партый наркотыкаў. Пры гэтым свае абавязацельствы перад магазінам "работнік" не выконваў і пакідаў усю выручку сабе. Пры ім, у кватэры і схованках выяўлены і канфіскаваны псіхатроп 4-СМС.

Затрыманаму пагражае да 15 гадоў пазбаўлення волі, бо крымінальная адказнасць за нарказбыт надыходзіць з 14-гадовага ўзросту!