У Лас-Вегасе каля гасцініцы Трампа ўзарваўся аўтамабіль Tesla

Аўтамабіль Tesla Cybertruck узарваўся і загарэўся каля гасцініцы Дональда Трампа ў Лас-Вегасе, паведамляе РІА Навіны са спасылкай на газету Daily Mail.

"Гатэль Trump International у Лас-Вегасе быў эвакуіраваны пасля таго, як ля ўваходных дзвярэй узарваўся Cybertruck", - гаворыцца ў публікацыі.

Як адзначае выданне, на распаўсюджаных у сацыяльных сетках кадрах відаць, як аўтамабіль загарэўся каля дзвярэй гатэля, пасля чаго раздаліся гукі выбухаў. У выніку над гасцініцай узнялося вялікае воблака чорнага дыму. Як паведамляе газета, у будынку спрацавала пажарная сігналізацыя.

Паліцыя горада заявіла на сваёй старонцы ў cацсетцы X, што займаецца расследаваннем узгарання.

Паводле інфармацыі ФБР, адзін чалавек загінуў, яшчэ сямёра пацярпелі.

Trump Towers часткова належаць абранаму прэзідэнту ЗША Дональду Трампу. Cybertruck вырабляе кампанія Tesla, якая належыць набліжанаму да Трампа мільярдэру і будучаму чыноўніку яго адміністрацыі Ілану Маску, піша БЕЛТА.