У Воранаўскім раёне ў ДТЗ загінула аднагадовае дзіця

Следчыя працуюць на месцы смяротнага ДТЗ у Воранаўскім раёне. Узбуджана крымінальная справа. Інфармацыя аб здарэнні размешчана ў Telegram-канале Следчага камітэта Беларусі.

Паводле папярэдняй інфармацыі, вадзіцель цягача Mercedes Benz вечарам 29 мая, рухаючыся каля вёскі Радунь, у стане алкагольнага ап'янення не справіўся з кіраваннем і ўчыніў лабавое сутыкненне з аўтамабілем Audi.

У выніку ДТЗ загінула аднагадовае дзіця, яшчэ двое дзяцей у цяжкім стане шпіталізаваныя. Вадзіцель фуры ўцёк з месца здарэння. У выніку пошукавых мерапрыемстваў ён затрыманы. Ступень яго ап'янення склала 1 праміле.

На месцы здарэння працуе следча-аператыўная група.

Узбуджана крымінальная справа па ч. 4 арт. 317 (парушэнне правіл дарожнага руху асобай, якая кіравала транспартным сродкам у стане алкагольнага ап'янення, што пацягнула па неасцярожнасці смерць чалавека альбо прычыненне цяжкага цялеснага пашкоджання) Крымінальнага кодэкса Беларусі.