У Мінску адбылася афіцыйная сустрэча з дэлегацыяй правінцыі Шаньдун

Машынабудаванне і медыцына, турызм і адукацыя: Мінск пашырае супрацоўніцтва з кітайскім горадам Ціндаа. Сёння ў Мінску адбылася афіцыйная сустрэча з дэлегацыяй правінцыі Шаньдун. З рабочым візітам у сталіцу прыбылі прадстаўнікі кіраўніцтва горада Ціндаа і буйных кітайскіх прадпрыемстваў. Узаемавыгадныя вектары адносін - гандлёва-эканамічная і сфера вытворчасці медабсталявання.

У праграме знаёмства з Кітайска-беларускім індустрыяльным паркам. Запланавана падпісанне дарожнай карты двухбаковага супрацоўніцтва.

Паміж Мінскам і Ціндаа запланаваны і культурны абмен. З беларускага боку агучылі ініцыятывы па супрацоўніцтве ў тэатральнай дзейнасці, а таксама правядзенні Дзён кіно. Магчыма, у афішы наступнага летняга музычна-турыстычнага сезона ў Верхнім горадзе мы ўбачым каларыт і турыстычны патэнцыял гэтага кітайскага рэгіёна.