У Японіі растуць цэны на рыс

У Японіі цэны на рыс у жніўні дасягнулі максімуму за дзесяцігоддзі - такога падаражання ў краіне не было з 1975 года. Цэны выраслі на 28 % у параўнанні са жніўнем мінулага года.

Віной таму дрэнны ўраджай і высокі пакупніцкі попыт. Рост цэн звязаны і з тым, што большасць японцаў імкнецца рабіць запасы рысу на выпадак землетрасенняў і шторму. У Міністэрстве сельскай гаспадаркі спадзяюцца на новы ўраджай, інакш цэны застануцца нестабільнымі. А наогул цэны на харчаванне павялічыліся ў жніўні ў Японіі амаль на 3 %.