Блізкі Усход знаходзіцца на парозе поўнамаштабнага канфлікту - кіраўнік МЗС Ірана

Кіраўнік МЗС Ірана Абас Аракчы заявіў, што Блізкі Усход знаходзіцца на парозе поўнамаштабнага канфлікту.

Дыпламат упэўнены - адзіны шлях да выратавання нявінных жыццяў - спыненне Ізраілем атак на Газу і Ліван. Беспакаранасць Тэль-Авіва, ігнараванне міжнароднай супольнасцю ролі ЗША і іх саюзнікаў у араба-ізраільскай вайне падштурхоўваюць Блізкі Усход да катастрофы.

Аракчы адзначыў - Тэгеран не застанецца ўбаку ў выпадку поўнамаштабнай вайны ў Ліване. Тым часам начальнік Генштаба Ізраіля паведаміў, што краіна рыхтуецца да наземнай аперацыі супраць гэтай арабскай рэспублікі. Пакуль жа па Ліване ЦАХАЛ наносіць масіраваныя ракетныя ўдары.

За мінулыя суткі ахвярамі атак сталі 72 чалавекі, парадку 400 - паранены.

Саудаўская Аравія, Японія, Катар, ЗША, ЕС і ААЭ заклікалі да неадкладнага перамір'я на мяжы Ізраіля і Лівана тэрмінам 21 дзень.

Гэта вынікае з сумеснай заявы дзяржаў. Бакі заклікалі да спынення агню, паабяцаўшы сваю падтрымку для завяршэння крызісу. Раней да неадкладнага спынення эскалацыі на Блізкім Усходзе заклікала Расія.