Польшча ўзводзіць бар'ер на мяжы ўздоўж ракі Буг

Польскае пагранічнае ведамства паведаміла, што ўздоўж ракі Буг пачалося ўзвядзенне высокатэхналагічнай электроннай загароды.

Афіцыйная Варшава заяўляе, што на 172-кіламетровым участку мяжы ўсталююць 1800 слупоў. На іх размесцяць 4,5 тыс. камер дзённага і начнога бачання. Аснасцяць электронную загароду таксама цеплавізарамі і рознымі спецыяльнымі датчыкамі.

Пакуль праводзіцца расчыстка падлеска. Работы прадоўжацца каля года і толькі па гэтым артыкуле будуць каштаваць польскаму бюджэту  70 млн еўра.

Пра эфектыўнасць высокатэхналагічнай загароды пакуль застаецца толькі меркааваць. Мінулая, якая таксама каштавала сотні мільёнаў еўра, аказалася абсалютна бескарыснай і зараз адправілася на злом.