У Эстоніі адкрылі новую ваенную базу

На поўдні Эстоніі адкрылі новую ваенную базу. Комплекс прызначаны для размяшчэння Сіл абароны краіны, а таксама вайскоўцаў з краін-саюзніц, у тым ліку ЗША.

Выкарыстоўваць яго плануюць, як заяўлена, у адпаведнасці з абарончымі планамі НАТА.

База складаецца з 14 будынкаў і можа змясціць да тысячы салдат. Яны будуць размяшчацца там на пастаяннай аснове або часова - як для вучэнняў у мірны час, так і "у крызісных сітуацыях".