З латвійскіх банкаматаў прыбяруць рускую мову

У Латвіі забаранілі выкарыстоўваць рускую мову ў банкаматах. Адпаведныя папраўкі да закона аб крэдытных установах прыняў Сейм балтыйскай краіны, у якой каля чвэрці насельніцтва - рускамоўныя.

Зараз у банкаматах павінна быць устаноўлена латышская мова, таксама дапускаюцца да выкарыстання афіцыйныя мовы краін - удзельніц ЕС і Арганізацыі эканамічнага супрацоўніцтва і развіцця, а таксама дзяржаў - кандыдатаў у члены аб'яднанняў.