Германія ўводзіць пастаянны пагранічны кантроль на межах з Польшчай, Аўстрыяй і Францыяй

Германія ўводзіць пастаянны пагранічны кантроль з Польшчай, Аўстрыяй і Францыяй.

Узмацненне мер анансаваў будучы кіраўнік МУС Аляксандр Добрынт. Новыя правілы ўступяць у сілу 6 мая, калі будзе зацверджаны склад новага кабміна. Пры гэтым палітык паведаміў, што адпаведныя рашэнні рыхтуюцца як на нацыянальным узроўні, так і на ўзроўні ЕС. Падрабязнасці прыводзіць газета Bild: у ахове мяжы задзейнічаюць яшчэ некалькі тысяч супрацоўнікаў.

Раней на межах Германіі ўводзіўся выбарачны пашпартны кантроль, зараз жа ён стане пастаянным. Пасольства Польшчы ў Берліне загадзя выказала сваю нездаволенасць. Там заявілі, што нават выбарачны кантроль стварае сур'ёзныя праблемы для прыгранічнага руху і парушае функцыянаванне ўнутранага рынку ЕС. Пры гэтым ад самой Варшавы польскія бізнесмены беспаспяхова дабіваюцца адкрыцця пагранпераходаў і аднаўлення сувязяў з Беларуссю.