Інцыдэнт над Атлантыкай: у пасажырскім самалёце раптам трэснула шкло ў кабіне пілотаў

Інцыдэнт над Атлантычным акіянам. У самалёце, які рабіў рэйс з Нідэрландаў у Бразілію, раптам трэснула шкло ў кабіне пілотаў.

Адбылося гэта на вышыні 11 км. Экіпаж быў вымушаны надзець кіслародныя маскі. Паколькі дарога назад была карацейшая, чым у пункт прызначэння, самалёт развярнулі. Машына ў выніку прызямлілася пасля таго, як 9 гадзін правяла ў паветры.