Колькасць украінскіх бежанцаў у Еўропе перавысіла 6 млн чалавек

Колькасць украінскіх бежанцаў у Еўропе перавысіла 6 млн чалавек. Гэта больш чым насельніцтва трох краін Прыбалтыкі разам узятых. Такую статыстыку прывялі ў Мінэканомікі Украіны, спасылаючыся на вынікі апытання Агенцтва ААН па справах бежанцаў.

Удакладняецца, што яшчэ паўмільёна ўкраінцаў пражываюць за межамі Еўропы. Больш за ўсё ўкраінскіх бежанцаў знаходзіцца ў Германіі - амаль 1,5 млн чалавек. Выхадцы з Украіны складаюць больш за 1,5 % ад усяго насельніцтва краіны.