Партыю АдГ прызналі ў Германіі "праваэкстрэмісцкай"

У ФРГ Федэральнае ведамства па ахове канстытуцыі аднесла партыю "Альтэрнатыва для Германіі" да "праваэкстрэмісцкіх". Заявіўшы, што яна пагражае дэмакратыі. Аб гэтым паведамляе Reuters.

Раней экстрэмісцкімі ўжо былі прызнаныя асобныя падраздзяленні і моладзевае крыло партыі.

З 2021 года АдГ лічылася як падазроная ў экстрэмізме. Пры гэтым апошнія апытанні паказваюць, што "Альтэрнатыву для Германіі" падтрымліваюць больш за 26 % немцаў. Яна ўпершыню ў гісторыі апярэджвае традыцыйных цяжкавагавікоў - блок ХДС/ХСС (24 %). Гэта не проста часовы ўсплёск пратэсных настрояў, а сімптом глыбокага крызісу даверу да палітычнага істэблішменту.

Але гэта не значыць, што "Альтэрнатыва для Германіі" зараз забаронена. Рашэнне па гэтым пытанні можа вынесці толькі Федэральны канстытуцыйны суд, гаворыцца ў артыкуле.