Прэзідэнту Славакіі перадалі петыцыю аб адмене санкцый супраць Расіі

У Славакіі сабралі подпісы за правядзенне рэферэндуму аб адмене санкцый супраць Расіі. Петыцыю ўжо перадалі ў канцылярыю прэзідэнта рэспублікі. Зараз там будуць правяраць падпісныя лісты.

Паводле канстытуцыі, рэферэндум аб'яўляецца кіраўніком дзяржавы, калі не менш як 350 тысяч грамадзян запатрабуюць яго правядзення. Петыцыю ж падпісалі амаль 400 тысяч чалавек. Прыхільнікі рэферэндуму ўпэўнены: антырасійскія санкцыі негатыўна ўплываюць на эканоміку краіны.