Пяскоў: Мінск - лепшая пляцоўка для перамоў Расіі, ЗША і Украіны

Беларусь - лепшая лакацыя для перамоў Расіі, ЗША і Украіны. Гэта пацвердзіў прэс-сакратар расійскага лідара, адказваючы на пытанне журналіста, ці магчымы варыянт з правядзеннем перамоў у Беларусі.

"Мінск - гэта галоўны наш саюзнік. Таму для нас гэта лепшае месца для перамоў", - адзначыў прадстаўнік Крамля.

Таксама прэс-сакратар расійскага лідара расказаў, што Уладзімір Пуцін гатовы абмеркаваць з Аляксандрам Лукашэнкам супрацоўніцтва па рэдказямельных металах.