Reuters: Расія агучыла ўмовы для спынення агню

Агенцтва Reuters са спасылкай на ананімныя крыніцы сцвярджае, што Расія нібы ўжо перадала ЗША спіс сваіх патрабаванняў для заключэння здзелкі па канфлікце ва Украіне.

Яны аналагічныя папярэднім умовам Масквы, уключаючы адмову ад членства Украіны ў НАТА, прызнанне тэрыторый, якія кантралюе Расія, а таксама пагадненне аб не размяшчэнні замежных войскаў на тэрыторыі Украіны.

Больш канкрэтныя патрабаванні пакуль не раскрыты. Таксама невядома, ці гатова Расія ўступіць у мірныя перамовы з Кіевам да іх прыняцця. Пры гэтым афіцыйных каментарыяў ні ад Масквы, ні ад Вашынгтона на гэты конт не паступала.