Беларусь і Расія рыхтуюцца да XII Форуму рэгіёнаў

Планавая падрыхтоўка да XII Форуму рэгіёнаў Беларусі і Расіі працягваецца. За ўсю гісторыю яго існавання былі заключаны кантракты на 20,5 млрд руб. Апошні, адзінаццаты форум даў лічбу больш чым 5 млрд.

Такой інфармацыяй падзяліўся намеснік старшыні Савета Рэспублікі Нацыянальнага сходу Беларусі Сяргей Хаменка на пасяджэнні аргкамітэтаў. Яно прайшло ў фармаце відэаканферэнцыі.

Беларусь і Расія ўжо выйшлі на новы ўзровень саюзнага будаўніцтва і гатовы ўзаемадзейнічаць яшчэ больш інтэнсіўна. Дванаццаты па ліку форум напрыканцы чэрвеня прыме Ніжні Ноўгарад. Беларусь традыцыйна займае лідзіруючую пазіцыю сярод гандлёва-эканамічных партнёраў гэтага расійскага рэгіёна.

Форум рэгіёнаў упершыню правялі ў 2014-м у Мінску. Затым яго па чарзе прымалі розныя беларускія і расійскія гарады. Летась дыялогавая пляцоўка сабрала рэкордную колькасць людзей. Удзельнікаў сустракалі адразу ў трох гарадах - Наваполацку, Полацку і Віцебску. Гарады для сустрэчы розныя, а сутнасць застаецца ранейшай: мы саюзнікі, і дакладна ведаем, куды рухацца далей.