Снежная "бура стагоддзя" абрынулася на расійскі Благавешчанск

У расійскім Благавешчанску ўведзены рэжым надзвычайнай сітуацыі з-за "буры стагоддзя".

Наймацнейшы снегапад ідзе ў горадзе другі дзень. Мясцовыя ўлады гавораць, што такога не было каля 100 гадоў.

За 2 дні снегу выпала, як за ўсю зіму. Руху на дарогах няма, аўтобусы не ездзяць. Тыя, што ўсё-такі выходзілі на маршрут, захраснулі ў гурбах. Выштурхваць прыйшлося пасажырам. На прыпынках у чаканні транспарта людзі стаялі амаль гадзіну. Улады перавялі школы на дыстанцыйнае навучанне да пятніцы, 29 лістапада.

Жыхары Благавешчанска дзеляцца кадрамі "буры стагоддзя" ў сацыяльных сетках.