Трамп хоча перагаварыць з Расіяй аб адмове ад ядзернай зброі

Прэзідэнт ЗША Дональд Трамп заклікаў пазбавіцца ад ядзернай зброі і заявіў пра сваё жаданне пачаць перамовы з Расіяй аб дэнуклеарызацыі.

Гаспадар Белага дома таксама разглядае змяненне фармату ўдзелу ЗША ў НАТА, адмову ад абавязковай абароны саюзнікаў у выпадку нападу на іх, інфармуе Эн-бі-сі Ньюс. Трамп заявіў, што сумняваецца ў гатоўнасці іншых удзельнікаў НАТА абараняць Штаты ў выпадку неабходнасці. І хоць у альянсу ёсць патэнцыял, трэба ацаніць несправядлівасць у выдатках на абарону.

Прэзідэнт ЗША не падтрымаў ідэю прэзідэнта Францыі Эмануэля Макрона аб стварэнні еўрапейскага ядзернага парасона. Падкрэсліў, што хацеў бы "процілеглага" таму, што прапанаваў французскі лідар.

Як паведамляе іспанская газета El Pais, Францыя і Вялікабрытанія прасоўваюць ідэю стварэння кааліцыі, якая нібыта дапамагла б гаратаванню бяспекі Украіны. Аднак большасць краін Еўрапейскага саюза не хочуць да яе далучацца, бо ідэя мае на ўвазе адпраўку ваенных сіл ва Украіну без уцягвання ў гэта ЗША.