Трамп не лічыць патрэбным уводзіць новыя санкцыі супраць Расіі

Прэзідэнт ЗША Дональд Трамп заявіў, што не лічыць патрэбным уводзіць супраць Расіі новыя санкцыі, прыярытэтам для яго з'яўляецца ўрэгуляванне канфлікту ва Украіне, паведамляе ТАСС.

"Я не хачу рабіць гэтага, бо я хацеў бы ўбачыць мір", - сказаў ён, адказваючы на пытанні журналістаў на сустрэчы з прэм'ерам Ірландыі Міхалам Марцінам у Белым доме.

Трамп таксама выказаў спадзяванне на тое, што Расія дасць згоду на спыненне агню ва Украіне. Паводле яго слоў, амерыканскія эмісары едуць у Маскву для абмеркавання гэтага блока пытанняў.

Акрамя таго, кіраўнік Белага дома закрануў тэму ўвядзення ў ЕС новых мер у дачыненні да амерыканскага імпарту. Ён паабяцаў даць адказ на гэта, дадаўшы, што ўмовы гандлю паміж ЗША і краінамі ЕС вельмі невыгадныя для амерыканскага боку.