У Маскве пасля атакі ўкраінскіх БПЛА закрыты ўсе аэрапорты

У Маскве дзеля бяспекі закрыты ўсе аэрапорты. У Дамадзедаве пасля атакі дронаў адбылося ўзгаранне на адной з парковак. Поўнасцю выгаралі больш за 20 аўтамабіляў. Загінуў ахоўнік прадпрыемства, які знаходзіўся ў гэты момант каля машыны.

У выніку падзення абломкаў БПЛА нязначныя пашкоджанні атрымала чыгуначная інфраструктура на станцыі Дамадзедава. У сувязі з гэтым у дарозе затрымліваецца шэраг цягнікоў у бок Масквы і вобласці.

У ноч на 11 сакавіка Узброеныя сілы Украіны ўчынілі небывалую па маштабах атаку на жылыя кварталы расійскіх гарадоў. Сілы СПА за ноч збілі 337 дронаў. З іх 91 ляцеў на Маскву. Пацярпелых ужо 8, сярод іх двое дзяцей. Адзін з беспілотнікаў сур'ёзна пашкодзіў пад'езд жылога дома. Пападанні таксама прывялі да пажараў у некалькіх шматпавярхоўках і ў адным падмаскоўным катэджы.

Налёты беспілотнікаў былі ўчынены таксама на Разанскую і Белгародскую вобласці. Адзін чалавек паранены ў Ліпецкай вобласці, пашкоджаны чатыры машыны. Пагроза атакі аб'яўлена ў Татарстане.

Фота РІА Навіны