З-за лясных пажараў у Чылі загінулі 16 чалавек

16 чалавек загінулі з-за лясных пажараў у Чылі. Магутнае полымя знішчыла больш за 30 га лесу і 7 жылых дамоў. На барацьбу са стыхійным бедствам кінуты амаль 4 тыс. пажарных. Звыш 50 тыс. жыхароў эвакуіраваныя, у некаторых рэгіёнах аб'яўлены рэжым катастрофы. Пажары пачаліся ўвечар 17 студзеня на фоне сухога і гарачага надвор'я, зафіксавана 25 ачагоў узгарання.

Стрымліванне агню ўскладняецца анамальна высокімі тэмпературамі, шквалістым ветрам і цяжкадаступным рэльефам.