Валанцёры шукаюць каштоўную знаходку

Касмічны госць. Мінскі планетарый шукае відавочцаў. 25 снежня камеры беларускай метэасеткі зафіксавалі супербалід. Ён праляцеў над сталіцай і ўпаў каля райцэнтра Смалявічы. Жыхароў прылеглых вёсак Рабы Слуп, Чорны Лес, Высокія Ляды просяць звяртаць увагу на незвычайныя камяні розных памераў. Метэарыт павінен прыцягваць магніт і быць шчыльным.

Унікальная знаходка мае вялікае навуковае значэнне і можа стаць шостым вядомым метэарытам на тэрыторыі Беларусі.