Зборная Беларусі па пляжным футболе перамагла Германію

Пераможныя навіны прыйшлі з грузінскага Батумі. Віцэ-чэмпіёны свету - зборная Беларусі - 19 ліпеня другі раз выйгралі на першым адборачным этапе Еўралігі па пляжным футболе. Каманда Нікаласа Альварада значна мацнейшая за зборную Германіі - 6:1. Дубль Анатоля Рабко, які правёў дакладны і прыгожы ўдар праз сябе.

Напярэдадні беларусы стартавалі на турніры з яшчэ больш упэўненай перамогі, разграмілі зборную Турцыі - 12:1. 20 ліпеня нашы хлопцы пазмагаюцца са зборнай Чэхіі. Пачатак паядынку ў 17:00. Гульню ў прамым эфіры пакажа тэлеканал "Беларусь 5".