3 красавіка - дзень гістарычнага прарыву беларускіх трансплантолагаў. Як усё пачыналася

За кожнай аперацыяй - выратаванае жыццё. 3 красавіка - дзень гістарычнага прарыву беларускіх трансплантолагаў.

17 гадоў назад была выканана першая перасадка печані, што стала імпульсам для развіцця шматлікіх кірункаў у медыцыне, а таксама ўкаранення найноўшых тэхналогій і ўласных методык. За гэты час школа беларускай транспланталогіі стала вядома далёка за межамі краіны.

Сёння цэнтр - адзін з найбуйнейшых ва Усходняй Еўропе, а Беларусь - на першым месцы ў СНД па колькасці трансплантацый на мільён насельніцтва. Спектр аператыўных умяшанняў расце і ў рэгіёнах.

Алег Румо, дырэктар МНПЦ хірургіі, транспланталогіі і гематалогіі:

"Мы сур'ёзную ўвагу надаём не проста выкананню аперацый, а ўкараненню новых навуковых распрацовак у клінічную практыку. Заканадаўства Рэспублікі Беларусь у гэтым плане адпавядае ўсім неабходным этычным і перадавым сусветным нормам. І гэта дазваляе нам у гэтай невялікай групе вельмі цяжкіх пацыентаў, лячэнне якіх ва ўсім свеце выклікае вялікія складанасці, дастакова часта дабівацца добрых вынікаў".

Кожны дзень праводзяцца аперацыі і ратуюцца жыцці людзей, бо для гэтага ў нашых медыкаў ёсць кампетэнцыя, абсталяванне і сучасныя тэхналогіі. Няма і дня без аперацый па заборы органаў альбо іх трансплантацыі. Акрамя цэнтра, у сталіцы гэтыя аперацыі выконваюцца і ў іншых цэнтрах. Агульная колькасць трансплантаваных органаў перавышае 500 штогод.