Адукацыйны інтэнсіў для маладых педагогаў Мінскай вобласці

Адукацыйны інтэнсіў для маладых педагогаў. Каму, як не настаўнікам даводзіцца вучыцца ўсё сваё жыццё: павышаць кваліфікацыю, сачыць за трэндамі ў адукацыі і быць на адной хвалі са школьнікамі. Сустрэча ў Салігорску стала інавацыйнай пляцоўкай для маладых спецыялістаў Мінскай вобласці, дзе яны маглі больш даведацца аб функцыянальнай граматнасці і пашырыць свой багаж ведаў.

Вучыць і працягваць вучыцца. На адзін дзень маладыя педагогі Мінскай вобласці сталі вучнямі салігорскай школы. Адукацыйны інтэнсіў аб'яднаў 200 настаўнікаў, якія толькі селета прыйшлі на сваё першае рабочае месца. На гэты раз без кніг і сшыткаў – даведаліся, як зрабіць урок не проста эфектыўным, а эфектным.

Маладыя настаўнікі наведалі ўрокі, на якіх больш вопытныя калегі дзяліліся сваімі практыкамі: расказвалі, як зацікавіць школьнікаў, знайсці да іх падыход і зрабіць кожны занятак максімальна прадукцыйным. Асаблівы акцэнт быў зроблены на функцыянальнай граматнасці. Дзеці павінны не толькі атрымліваць веды, але і ўмець іх выкарыстоўваць.

Усяго сёлета ў школы і гімназіі Мінскай вобласці прыбылі каля тысячы маладых педагогаў. Гэта настаўнікі пачатковай школы, фізікі, матэматыкі, замежных моў. Першы крок у прафесію яны робяць упэўнена - з падтрымкай вопытных калег.