Агітацыйная кампанія ў Беларусі праходзіць спакойна і арганізавана

За выбарамі ў Беларусі сочаць назіральнікі. Сёння місія ад СНД апублікавала прамежкавую справаздачу. Адзначаецца, што з 18 снежня ідзе свабодны і незалежны маніторынг без умяшання ў ход выбарчага працэсу і ва ўнутраныя справы дзяржавы. У саставе місіі акрэдытавана 290 назіральнікаў. На доўгатэрміновай аснове працуюць 40. Місія адзначае сістэмную і планамерную працу Цэнтральнай камісіі ў электаральны перыяд. Кандыдаты і іх давераныя асобы для сваёй агітацыі выкарыстоўваюць усе дадзеныя заканадаўствам магчымасці. Агітацыйная кампанія праходзіць спакойна і арганізавана. Кандыдатам створаны роўныя ўмовы, гаворыцца ў справаздачы.