Арганізацыі Упраўлення спраў Прэзідэнта рэалізуюць каля 40 інвестпраектаў

Сродкі ў развіццё. Арганізацыі Упраўлення спраў Прэзідэнта рэалізуюць каля 40 інвестпраектаў. Пра гэта гаварылі 30 мая на пасяджэнні калегіі ведамства. За мінулы год аб'ём інвестыцый у асноўны капітал склаў 400 млн рублёў. Траціна ўсіх сродкаў накіравана на развіццё сельскай гаспадаркі. Гэтай сферы асаблівая ўвага з боку кіраўніка дзяржавы. Асноўны акцэнт на мадэрнізацыю і будаўніцтва новых малочнатаварных комплексаў і перапрацоўчых цэхаў, а таксама ўкараненне лічбавых тэхналогій і перадавых тэхналагічных рашэнняў у сферы раслінаводства і жывёлагадоўлі.

Яшчэ адно даручэнне кіраўніка дзяржавы - зрабіць турызм нацыянальным праектам. Да гэтага адразу падключыліся арганізацыі Упраўлення спраў. Шэраг інвестпраектаў рэалізуецца ў нацыянальных парках, а таксама ў санаторных установах.