Баскетбольны "Мінск" і "Гродна-93" - у Лідзе вызначаць пераможцу сезона

Пятаму, вырашальнаму, паядынку ўсё ж быць! Баскетбольны "Мінск" і "Гродна-93" у бліжэйшую суботу ў Лідзе вызначаць пераможцу сезона. Лік у фінальнай серыі стаў роўным – 2:2, пасля паражэння сталічнай дружыны ў мінулы уікенд.

Нагадаем, менавіта "Мінск" - дзеючы чэмпіён.

Футбол на гэтым тыдні ў авангардзе спартыўных падзей – жодзінскае “Тарпеда” ўступае “Нёману” ў гасцях у фінале Кубка Беларусі, 3:0 каманда Кавалевіча не пакінула шанцаў “аўтазаводцам”!

Першы тайм пры гэтым атрымаўся нядрэнным для каманды Дзмітрыя Молаша. Пасля перапынку дамініравалі гаспадары сустрэчы. Садаўнічы, Пушнякоў і Зубовіч вызначыліся і прынеслі перамогу "Нёману" 3:0

Гэты тытул - уладальніка Кубка Беларусі - стаў трэцім у гісторыі каманды, а вось што тычыцца "Тарпеда", то пасля няўдалага пачатку сезона камандзе з Жодзіна трэба перамагаць у матчах чэмпіянату – на гэты момант у аўтазаводцаў толькі 14 балаў!

"БНТУ-БЕЛАЗ" тым часам 26-ы раз у гісторыі выйграў золата чэмпіянату Беларусі па гандболе сярод жаночых каманд. І ў трэцім паядынку фінальнай серыі дружына Канстанціна Шараварава адолела "Гомель" - гэтым разам у напружаным супрацьстаянні 23:21. І такім чынам лік стаў 3:0.

У бягучым сезоне гандбалісткі "БНТУ-БЕЛАЗ", нагадаем, таксама заваявалі і кубак, і суперкубак краіны. Віншуем чэмпіёнак!

А вось у чэмпіянаце Беларусі сярод мужчынскіх каманд у фінале "Мяшкоў-Брэст" зноў выйшаў наперад у супрацьстаянні з мінскім СКА. Пасля неверагоднай па напружанасці вікторыі ў сталіцы ў серыі сяміметровых у суботу "мяшкоўцы" не пакінулі шанцаў дружыне Дзмітрыя Нікуленкава 31:20. Чацвертая серыі пройдзе ў сераду!

На гэтым тыдні сочым за міні-футболам: вашай увазе паўфіналы чэмпіянату Беларусі, паралельна падтрымліваем жаночую зборную Беларусі па футболе ў Лізе Нацый, а ў суботу баскетбольны фінал: "Гродна" супраць "Мінска"!