"Белагра-2025" пройдзе на новай пляцоўцы выставачнага цэнтра

Выстава "Белагра-2025" пройдзе сёлета на новай пляцоўцы Мінскага міжнароднага выставачнага цэнтра. Стартуе маштабны форум на наступным тыдні, 3 чэрвеня.

Гэта адна з самых вялікіх выстаў дасягненняў у аграпрамысловай сферы. Тут дэманструюць сучасныя тэхналогіі ў сельскагаспадарчай вытворчасці, новую сельгастэхніку, распрацоўкі ў перапрацоўчай і харчовай прамысловасці. Тэматыка раздзелаў ахоплівае амаль усе кірункі аграрнай галіны.

Сёлета ўдзел у выставе прыме 21 краіна. Сярод іх  16 рэгіёнаў Расіі і 8 дзяржаў - членаў Шанхайскай арганізацыі супрацоўніцтва. Праграма "Белагра-2025" традыцыйна будзе напоўнена прэзентацыямі, майстар-класамі і конкурсамі. Унікальныя экспазіцыі для наведвальнікаў усіх узростаў рыхтуюць больш за 500 кампаній.