Больш за 100 школ сталіцы носяць імёны герояў і вядомых дзеячаў

Першая ў Мінску сярэдняя школа № 21 носіць імя Мікалая Гастэлы яшчэ з 1961-га. Усяго ў сталіцы больш за 100 школ, гімназій і каледжаў, якія з гонарам носяць імёны не толькі герояў вайны, але і вучоных, мастакоў, музыкантаў.

Адна з найстарэйшых устаноў адукацыі Мінска (пачатковая школа № 29),  размешчаная на месцы былога пасёлка Козырава,  захоўвае памяць аб гэтым невялікім населеным пункце і яго жыхарах.

Гісторыю пра подзвіг юных падпольшчыкаў - братоў Сянько, якія стварылі ў верасні 1941-га адну з першых падпольных груп на тэрыторыі сталіцы, беражліва захоўвае мясцовы музей.

Жыццё ў акупацыі і побыт пасёлка Козырава на ўскраіне Мінска школьнікі не проста ведаюць, самі расказваюць і паказваюць. Усе артэфакты і фатаграфіі тут  збіралі дзеці, бацькі і настаўнікі.

Уладзімір і Канстанцін Сянько - сувязныя атрада "Мясцовыя", які ўзначальваў Станіслаў Ваўпшасаў. На рахунку братоў захопленыя аўтамашыны, пушчаныя пад адхон эшалоны, дыверсіі на таварнай станцыі, сабраныя разведаныя. Імя братоў Сянько школе прысвоена ў 2018-м.

Голас беларускай душы - музыкант і кампазітар Рыгор Шырма. Талент і жыццёвы шлях народнага артыста СССР натхняе навучэнцаў дзіцячай музычнай школы мастацтваў № 8, якая носіць яго імя. У гонар харавога дырыжора на фасадзе ўсталявалі мемарыяльную дошку  скульптара Сяргея Возісава. У перспектыве  з'явіцца і музей.

Юныя "ахрэмчыкі" (так у гімназіі-каледжы мастацтваў называюць вучняў) спяваюць гімн сваёй альма-матар. Прысвечаны ён усім музыкантам і мастакам, якіх аб'ядноўвае імкненне спасцігаць высокае. Ва ўстанове адукацыі імя Івана Ахрэмчыка народнаму мастаку БССР   асаблівая павага. Тут шануюць і натхняюцца яго творчасцю.

Імёны герояў Вялікай Айчыннай і выдатных дзеячаў краіны носяць больш за 100 школ, гімназій і каледжаў Мінска. Перш чым  вядомае імя з'явіцца побач з нумарам педагогі і школьнікі вывучаюць біяграфію, даследуюць жыццёвы шлях і дасягненні знакамітага чалавека. Так установа адукацыі бярэ на сябе ганаровую місію - захоўваць і перадаваць памяць праз пакаленні.