"Дрэва памяці" ў гонар герояў-вызваліцеляў усталявалі ў Нацыянальным аэрапорце Мінск

Сваё "Дрэва памяці" ў гонар герояў-вызваліцеляў усталявалі ў Нацыянальным аэрапорце Мінск. Пасажыраў запрашаюць напісаць на стужцы імёны і прозвішчы сваякоў, якія набліжалі Вялікую Перамогу, а затым завязаць яе на галінку. Збіраць такія пасланні ад удзячных пакаленняў будуць на працягу двух тыдняў. Атмасферу пераможнага мая падтрымалі праз песні ваенных гадоў.

У Нацыянальным аэрапорце Мінск разгарнулася і фотавыстава аб укладзе авіяцыі ў агульную Вялікую Перамогу. Архіўныя здымкі, рэдкія факты і гісторыі ваенных часоў. Тут не толькі падрыхтоўка тэхнікі да вылетаў і размовы авіяканструктараў, але і эмоцыі пілотаў і простых людзей.